Eskualde LEHIAKORRA, BERRITZAILEA ETA BIZIA izan nahi dugu.
Ekosistema ekintzaile erreferentea natura-aberastasun handiko lurralde batean.
Urdaibaiko Biosfera Erreserbak betidanik markatu izan du gure jarduera ekonomikoa, hala nola, arrantza eta elikadura, zuraren eraldaketa edota industria edota turismo jasangarria, tarteko. Eta guzti hauxe horrela izaten jarraitzea nahi dugu.
Urdaibai eskualde LEHIAKORRA, BERRITZAILEA ETA BIZIA izatea nahi dugu. Baina gure idiosinkrasia edonola ere galdu gabe, gure eskualdea bakar egiten duen esentzia mantenduaz.
Urdaibairen etorkizuna
U-BAI Urdaibaiko Garapen Ekonomikoa
Horretarako hainbat eragilerekin elkarlanean: Urdaibai Biosfera Erreserbako Zerbitzua, Bermeoko Behargintza, Gernikako Lanbide Ekimena, Bizkaiko Foru Aldundia, Eusko Jaurlaritza eta tokiko zenbait enpresa, indarrak uztartu ditugu eskualdearentzat garapen ekonomiko ireki, orekatu eta jasangarriko egitasmo bat abiarazteko ideiarekin. Ideia hau abiapuntu izanda jarri zen martxan U-BAI Urdaibaiko Garapen Ekonomikoko proiektua. Urdaibairen etorkizun estrategikoa ahalbidetzeko plana, hain zuzen ere.
Urdaibairen aldeko apustua tinkoa gauzatu dugu, U-BAIrekin, naizioarteari irekitako eskualdea den aldetik, herritarren ongizate ekonomikoa hobetzen lagunduko duten ekimen berritzaile eta iraunkorrak garatzeko helburuarekin. Gaur egun, aldiz, eskualdeak aurre egin beharreko erronka esanguratsuenetako bat talentua nola erakarri eta hemen geldiaraztea da.
U-BAIk erronka honetan aurrerapausoak emateko honako ildoak proposatzen ditu:
01
Eskualdeko sektore estrategikoetako enpresa erreferenteei etorkizunean parte-hartze aktiboa ahalbidetuz.
02
Elkarlan sare publiko-pribatu bat ehunduz.
03
Balio erantsi handiko industria eta teknologia-aktibitateetan inbertituz.
04
Eskualdeko ekintzailetza-egitasmo egituratu bat martxan jarriz.
05
Inbertsioak erakartzeko lan eskerga handia eginez.
Albisteak
