U-BAI BerriUp

PROGRAMAREN DESKRIBAPENA

• U-BAIk eta BerriUpek indarrak batu dituzte ekimen berri bat martxan jartzeko asmoz. Ekimen honen bitartez, talentua indartzeko konpromisoa sendotu nahi dute, eta Urdaibaiko esparru ekonomikoarekin lotutako proiektu berritzaileak sustatzea, hala nola, arrantzarekin, elikadurarekin, itsasoarekin, zurearekin, automobilgintzarekin edo energiarekin zerikusia dutenak.
• Prestakuntzaren bitartez, parte-hartzaileek denetariko tresna eta gako eskuragarri izango dituzte beren proiektuak garatu ahal izateko. Saio eta modulu bakoitzaren bitartez, beren proiektuen definizioa eta bideragarritasuna abian jartzea lortuko dute. Gainera, proiektuak bultzatu ahal izateko, U-BAiko enpresen laguntza eta babesa jasoko aukera dute.

HELBURUAK

• Enpresa-proiektu bat identifikatzea, forma ematea, definitzea eta abian jartzea.
• Inspirazio, ikasketa eta lankidetzarako sorkuntza-espazio egokia ematea.
• Proiektuen ibilbide guztian zehar mentoretza eta laguntza ematea.
• Eskualdeko enpresak eta enpresa-testuingurua ezagutzea.

PROGRAMA HAU ZURETZAT DA…

• Ekimena duen pertsona bazara eta ekiteko interesa baduzu.
• Ekintzailea bazara eta ideia edo proiektu goiztiar bat aurrera eramateko asmoa baduzu.
• Ikasteko prest bazaude eta atzeraelikadura jasotzeko eta enpresa-munduan konexioak ezartzeko asmoa baduzu.
• Erronkei erresilientziaz aurre egiteko eta zure ideia edo proiektuaren garapenarekin konprometitzeko gaitasuna baduzu.